REUNIÓN CO COMERCIO E A HOSTELARÍA DE MOAÑA

 

A concelleira de Turismo e Promoción Económica, o presidente da Asociación Sueste, o xerente da Federación de comerciantes e industriais do Morrazo (FECIMO), o presidente da Asociación Empresarios de Moaña (ASEMMO) e unha representante da Asociación de Hosteleiros de Moaña mantiveron unha reunión no concello de Moaña para tratar as liñas de colaboración dos comercios, restaurantes, cafetarías, etc co XV EETG,

Expúsoselles a importancia para Moaña e o Morrazo a organización dun evento desta envergadura. A colaboración solicitada xirou en tres liñas de actuación. A primeira, a ambientación e engalanamento dos establecementos, especialmente neste aspecto, da fronte marítima. Unha segunda liña sería a participación dos locais nunha exposición de fotografías de temática mariñeira, pertencentes ao arquivo da Agrupación Cultural Nós. E unha terceira que afectaría aos locais de hostelaría propoñéndolles que oferten para eses días un almorzó e xantar mariñeiro para aqueles tripulantes ou visitantes que o desexasen.

As propostas que se lles prantexaron ás entidades profesionais foron ben acollidas polos seus  representantes que as trasladarán aos seus asociados para a súa valoración.