Unha boa nova

Faleceu o capitán Babé

Faleceu na Alta Mar o rapaza que veraneaba en Asturias, o de terra adentro namorado da mar, o galego de adopción. Faleceu Javier Babé. Será unha dura falta para o mundo da náutica. Babé faleceu o pasado venres, 29 de marzo, abordo da súa goleta “La Peregrina”, durante a travesía do “Reto Astrolabio”, coma consecuencia dun fallo cardíaco. Atopábase a unha distancia de menos de 500 millas náuticas do seu destino, a illa A Desexada, unha pequeña illa ao sureste do Caribe, rematada a súa expedición. Coa autorización da súa compañeira e tamén tripulante de “La Peregrina”, o corpo de Babé foi amortallado e lastrado cunha áncora, na tarde do sábado, 30 de marzo para que descansase no fondo do mar como era o seu desexo. O noso pésame a súa viúva e fillos e tamén aos seus compañeiros e amigos da expedición “Reto Astrolabio”

SUBVENCIÓNS DA DEPUTACIÓN DE PONTEVEDRA

SUBVENCIÓN DA DEPUTACIÓN DE PONTEVEDRA AO "ELISEO"

 

SUBVENCIÓNS DIRIXIDAS A ENTIDADES SEN ÁNIMO DE 

LUCRO PARA A RECUPERACIÓN E POSTA EN VALOR DO 

PATRIMONIO MARÍTIMO-FLUVIAL NA PROVINCIA DE 

PONTEVEDRA, CONVOCATORIA 2023.

Nesta embarcación téñense acometido traballos durante o ano 2023 ao abeiro dunha solicitude de subvención con cargo as bases publicadas o día 27 de febreiro de 2023, pola Deputación de Pontevedra, dirixidas a entidades sen ánimo de lucro para a recuperación e posta en valor do patrimonio marítimo e fluvial na provincia de Pontevedra

PROXECTO:

GALEÓN DAS RÍAS “ELISEO”, TRABALLOS DE PINTURA, CARPINTERÍA NAVAL, MANTEMENTO DE MOTOR E INSPECCIÓN TÉCNICA DE BUQUES INTERMEDIA

CUSTE TOTAL DO PROXECTO:                        9.994,46 €

SOLICITU DE SUBVENCIÓN:               7.995,56 €

FINANZAMENTO PROPIO:                  1.998,89 €

ANO DE EXECUCIÓN:                         2023

NOME DO BUQUE	ELISEO	TIPOLOXÍA	GALEÓN DE RÍA
ANO DE BOTADURA	1908	MATRÍCULA FOLIO	7ª VILL 3-83-05
MANGA ENTRE FORROS	3,08 mts	ESLORA	11,20 mts.
TRIPULACION	3	PUNTAL DE CONSTRUCCIÓN	1,10 mts.
PROPULSIÓN	VELA MOTOR	PASAXEIROS AUTORIZADOS	12
ARQUEO BRUTO	7,71 TRB	ARMADORA	Asociación Sueste.

O "Piueiro" rompe o fondeo e vai ás pedras

 Hoxe, de madrugada, o Piueiro, lancha xeiteira de A Guarda, foi contra as pedras. Este accidente debeuse, pola información que nos deron membros da propia entidade, á rotura do cabo do morto do fondeo.

Os danos, en espera de mellor valoración no estaleiro, non son graves no casco; non é así no motor e toda a instalación eléctrica que terán que ser arranxados. O barco trasládase a un estaleiro en A Pasaxe - A Guarda.

O Piueiro viña de participar tamén na actividade "Que inchadiña vela branca" que se levou a cabo o pasado sábado en Padrón, sendo de grande admiración que unha embarcación de tal porte poida navegar polo río Sar e achegarse ata a rosaliana vila.

A asociación Sueste púxose en contacto con membros da Asociación Piueiro para transmitirlles a nosa solidariedade e ofrecer a nosa colaboración para o que poidan precisar.

A Meiga, dorna polbeira da asociación Sueste, participa na "Que inchadiña vela branca"

 A Meiga, dorna polbeira pertencente á Asociación Sueste, participou o pasado día 2 de setembro no evento que se celebra todos os anos en Padrón en homenaxe á nosa gran poetisa Rosalía de Castro.Máis dunha vintena de embarcacións, dornas especialmente, déronse cita no espolón de Padrón para realizar este acto tan emotivo. Izáronse as velas das embarcacións ao son do "Himno do Antigo reino de Galicia" e portáronse os remos en sinal de reverencia. Todo o acto foi presenciado por unha enorm multitude de persoas que ateigaban o paseo e o espolón de Padrón.

Intervención poética ao mar

 Nos xardíns do concello de Moaña, onte a tarde - noite, organizado pola Asociación Sueste coa colaboración da Concellaría Económica e Turismo do concello de Moaña, levouse a cabo un marabilloso certame poético coas intervencións de varios e varias poetas e músicos. Prestaron a súa voz e música: Luis Chapela, Anna Figueiredo, Lucía Durán,. Pedrdo Pablo Riobó, Miriam Ferradáns, Daniel Costas e acompañados pola guitarra de Santiago Ferragut e a arpa de Paulino de A Seara.