XIX Encontro de Embarcacións Tradicionais de Bueu.

Esta pasada fin de semana a asociación Os Galos celebrou seu XIX Encontro de embarcacións tradicionais, o encontro estivo un pouco deslucido pola choiva e a ausencia de vento pero a pesar de todo unha vintena de embarcacións chegadas das rias de Vigo, Pontevedra e mais da Arousa navegaron pola enseada de Bueu.
Durante o Encontro o sábado a tarde levouse a cabo a botadura da dorna de tope Roiba, esta dorna pertencía a familia Vázquez Molezún propietarios do chale A Roiba situado na praia de Beluso, a dorna levaba moitos anos colgada dunha parede no baixo de dito chale, foi construída polo carpinteiro Señor Marín fai mais de 90 anos.

Dorna de tope Roiba agardando na praia a súa botadura.

Embarcacións participantes no encontro.

 Dúas vistas da dorna de tope Roiba.

Botadura da dorna.

 Xa navegando  moitos anos despois da súa ultima singradura.

O bote polbeiro Lagoas navegando cunha lixeira brisa.