Estaba a dorna en Combarro a onde chegou a finais do verán pasado, nun dos temporais do pasado decembro concretamente a do dia 24 a cicloxenesis explosiva Dirk fixo levantar o morto onde estaba amarrada a dorna, e levouna a bater con seu casco contra a zoa da praia de Pinela.
Os danos aínda que numerosos non revisten moita gravidade basicamente algúns banzos descravados e a quilla un pouco lambida do roce coa area, o estado xeneral e bastante bo. Segun nos informaron algún dos danos producíronse na manobra de rescate na cal tiveron que intervir dous camións e unha pa escavadora, durante o rescate chegaron a cortar o mastro cunha motoserra, o dia de noiteboa coa marea enchendo non había tempo de pararse a desmontar nada.
Aínda non sabemos a fecha da súa construción, polo que nos dixeron e da década dos 50, pero non o sabemos con seguridade xa que a fecha mais antiga que aparece na documentación e a do ano 1985 que foi cando se lle fixo o cambio de folio para pasala da 5ª a 7ª lista.
Estamos a espera de que estes dias o carpinteiro lle bote man e repare os danos no casco para podela poñer a flote xa que a intención e traela navegando para Moaña. Trataremos de que este verán xa navegue deixando para o próximo inverno a reparación en profundidade.
No hay comentarios:
Publicar un comentario